ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, ତା(୧୫/୧୨) : ବଲାଙ୍ଗୀର ଜିଲ୍ଲା ଟିଟିଲାଗଡ଼ ଥାନା ଅନ୍ତର୍ଗତ ତୁର୍ଲା ଗ୍ରାମର ଜଣେ ସାଇକଲ ଫିଟର ବ୍ୟକ୍ତି ଙ୍କ ଶୋଚନୀୟ ମୃତ୍ୟୁ ଘଟିଛି ।
ସୂଚନା ଅନୁଯାୟୀ ଭୀମ ଭାଟି ନାମକ ଜଣେ (୫୫) ବ୍ୟକ୍ତି ପ୍ରତିଦିନ ପରି ତାଙ୍କ ଗ୍ରାମ ର ଏକ ସାଇକେଲ ଦୋକାନ କରି ସାଇକଲ ଫିଟର କାମ କରିଆସୁଥିଲେ । ଅପରାହ୍ନ ପ୍ରାୟ ୮ ଟା ୩୦ ରେ ସେ ନିଜ ସାଇକେଲ କାମ କରି ନିଜ ଘରକୁ ଯାଇ ଥିଲେ । ହେଲେ ହଠାତ ଅସୁସ୍ଥ ହୋଇ ପଡିବାରୁ ଏକ ବୋଲେରୋ ଗାଡି ରେ ପରିବାର ଲୋକେ ଟିଟିଲାଗଡ଼ ଡାକ୍ତରଖାନା ଆଣିଥିଲେ । ହେଲେ ଡାକ୍ତରଖାନାରେ ଡ଼ଃ ଓଁକାର ହୋତା ତାଙ୍କୁ ମୃତ ଘୋଷଣା କରିଥିଲେ ।
ସେ ଜଣେ ସାଇକେଲ ଫିଟର ଭାବେ ପରିବାର ପ୍ରତିପୋଷଣ କରିବା ସହ ମିଷ୍ଟଭାସି ଥିଲେ । ତାଙ୍କ ମୃତ୍ୟୁ ନେଇ ଗ୍ରାମରେ ଶୋକ ର ଛାୟା ଖେଳିଯାଇଛି । ସ୍ଥାନୀୟ ଡାକ୍ତରଖାନାରେ ପ୍ରବଳ ଜନସମାଗମ ହୋଇଥିଲା । ଆସନ୍ତା କାଲି ଶବ ବ୍ୟବଚ୍ଛେଦ କରାଯିବା ପରେ ପରିବାର ଲୋକ ଙ୍କୁ ଶବ ହସ୍ତାନ୍ତର କରାଯିବ ବୋଲି ଜଣାଯାଇଛି ।