ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର, ତା(୧୩/୧୨) : ଭାରତରେ ୭୫ ତମ ସ୍ୱାଧୀନତା ଦିବସ ଆସନ୍ତା ଅଗଷ୍ଟ ୧୫ ତାରିଖରେ ପାଳିତ ହେବାକୁ ଯାଉଅଛି । ଏହି ଅବସରରେ ଦେଶରେ ଥିବା ଭାରତ ସରକାରଙ୍କ ଅନ୍ୟତମ ଚାରୋଟି ଗୋଳାବାରୁଦ କାରଖାନା ମଧ୍ୟରୁ ବଡ଼ମାଲ ଗୋଳାବାରୁଦ କାରଖାନା ପରିସରରେ ତା.୧୩/୧୨/୨୧ରିଖ ରୁ ତା.୧୯/୧୨/୨୧ରିଖ ପର୍ଯ୍ୟନ୍ତ ସାର୍ବଜନୀନ ଗୋଳାବାରୁଦ ଉତ୍ପାଦନ ଗୁଡିକର ପ୍ରଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି ।
ତେବେ ଆଜି ବଲାଙ୍ଗିର ଜିଲ୍ଲା ବଡ଼ମାଲ ଗୋଳାବାରୁଦ କାରଖାନା ପରିସରରେ ଥିବା ଅଫିସର୍ସ କ୍ଳବ ର ସାର୍ବଜନୀନ ପ୍ରଦର୍ଶନ ଅନୁଷ୍ଠିତ ହେଉଛି । ଦେଶରେ ଅନୁଷ୍ଠିତ ହେଉଥିବା କାର୍ଯ୍ୟକ୍ରମ ରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଭର୍ର୍ଚୁଆଲ ମୋଡ଼ରେ ଉଦ୍ଘାଟନ କରିଥିଲେ । ପରେ ଭାରତ ସରକାରଙ୍କ ବଡ଼ମାଲ ଗୋଳାବାରୁଦ କାରଖାନା ର ମହା ପ୍ରବନ୍ଧକ ଅଜୟ ଇ.ସିଂ ଦୀପ ପ୍ରଜ୍ଜ୍ଵଲନ ପୂର୍ବକ ପ୍ରଦର୍ଶନ କାର୍ଯ୍ୟକ୍ରମ ର ଉଦ୍ଘାଟନ କରିଥିଲେ । କାର୍ଯ୍ୟକ୍ରମ କୁ ଡିଜିଏମ ପ୍ରଭାସ ଭୋଇ ପରିଚାଳନା କରିଥିବା ବେଳେ ସମ୍ମାନିତ ଅତିଥି ଭାବେ ଏଡ଼ିଜିମ୍ ଡା. ଏ.ଏସ.ଖାନ ଓ ଏସ ମଣ୍ଡଳ ଉପସ୍ଥିତ ଥିଲେ ।
ପରେ ଅତିଥିମାନେ ବଡ଼ମାଲ ଗୋଳାବାରୁଦ କାରଖାନାରେ ନିର୍ମିତ ହେଉଥିବା ବିଭିନ୍ନ ସାମଗ୍ରୀ ଦେଖାଇ ଥିଲେ । କାର୍ଯ୍ୟକ୍ରମ ଶେଷରେ ୱାର୍କର୍ସ ମ୍ୟାନେଜର ଡିକେ ଯୋଶୀ ଧନ୍ୟବାଦ ଅର୍ପଣ କରିଥିଲେ । ସର୍ବ ସାଧାରଣ ଏହି କାର୍ଯ୍ୟକ୍ରମ ଦେଖି ପାରିବେ ବୋଲି ମହା ପ୍ରବନ୍ଧକ ପ୍ରକାଶ କରିବା ସହ ଆସନ୍ତା ୧୯ ତାରିଖରେ ଉଦ୍ଯାପିତ ହେବ ବୋଲି ଜଣାଯାଇଛି ।