Related Contents

ଲଗାତାର ବର୍ଷା ରେ ମାଲକାନଗିରି ଅବସ୍ଥା ଶୋଚନୀୟ

ମାଲକାନଗିରି ଜିଲ୍ଲା ପ୍ରତିନିଧି (ଅସୀମ ବିଶ୍ୱାସ): ଲଗାତାର ବର୍ଷା ଯୋଗୁଁ ମାଲକାନଗିରି ଜିଲ୍ଲାର ଅବସ୍ଥା ବେହାଲ । ଜିଲ୍ଲାର ବିଭିନ୍ନ ନଦୀ ନାଳରେ ଜଳସ୍ତର ବୃଦ୍ଧି । ମାଲକାନଗିରି ସହ କାଲିମେଳା, ମୋଟୁ, ବାଲିମେଳା, ଚିତ୍ରକୋଣ୍ଡା ଆଦି ଅଂଚଳ ବିଛିନ୍ନ ।

ମାଲକାନଗିରି ସହରରେ କିଛି ସାହି ମଧ୍ୟ ପାଣି ଘେରରେ ରହିଛି। ବି ଏସ ଫ କ୍ୟାମ୍ପ ନିକଟରେ ମାଓ ଅଂଚଳ ବିସ୍ଥାପିତ ଅଧିବାସୀଙ୍କ ବସ୍ତିଟି ଲଗାଣ ବର୍ଷା ଯୋଗୁଁ ସମ୍ପୁର୍ଣ୍ଣ ନଷ୍ଟ ହୋଇଛି ଯାଦ୍ୱାରା ବସ୍ତି ବାସିନ୍ଦା ମାନେ ରାସ୍ତାରେ ରହିବାକୁ ବାଧ୍ୟ ହେଇଛନ୍ତି । ଜିଲ୍ଲା ପ୍ରଶାସନ ତରଫରୁ ସେମାନଙ୍କ ପାଇଁ ରିଲୀଫ ବ୍ୟବସ୍ଥା ସହ ୪୮ ଘଂଟା ପାଇଁ ଖାଦ୍ୟ ଓ ପାନୀୟର ବ୍ୟବସ୍ତା କରାଯାଇଛି । ସେହି ଭଳି ବାଲିମେଳା ଓ ସତୀଗୁଡା ଜଳଭଣ୍ଡାରରେ ଜଳସ୍ତର ବଢୁଥିବାର ସୂଚନା ମିଳିଛି । ସ୍ୱାଭିମାନ ଅଞ୍ଚଳରେ ଜାନବାଇ ଡାକ୍ତରଖାନାରେ ପାଣି ପାସିଯାଇଛି। ମୋଟାମୋଟୀ କହିବାକୁ ଗଲେ ସମଗ୍ର ମାଲକାନଗିରି ଜିଲା ଏବେ ପଣି ଘେରରେ ରହିଛି। ପାଙ୍ଗମ ନଦୀରେ ମଧ୍ୟ ଜଳସ୍ତର ବଢ଼ିବାରେ ଲାଗିଛି। ଆଉ କିଛି ସମୟ ମଧ୍ୟରେ ପାଙ୍ଗମ ପୋଲ ବୁଡିଯିବାର ଆଶଙ୍କା ରହିଛି। ଯଦି ଏହା ବୁଡିଯାଏ ଜୟପୁର ସହ ମଧ୍ୟ ଯୋଗାଯୋଗ ବିଛିନ୍ନ ହେଇଯିବ। ପ୍ରଶାସନ ପକ୍ଷରୁ ସମସ୍ତ ବିଡ଼ିଓ, ତହସିଲଦାର ତଥା ସମସ୍ତ ସରକାରୀ କର୍ମଚାରୀ ଓ ଅଧିକାରୀମାନଙ୍କୁ ଆଲର୍ଟ ରହିବାକୁ ନିର୍ଧେସ ଜାରି କରାଯାଇଛି। ଅଗ୍ନିଶମ ବିଭାଗ ଓ ଓଡ୍ରାଫ ଟିମ ମଧ୍ୟ ପ୍ରସ୍ତୁତ ହୋଇ ରହିଛନ୍ତି।

Comments are closed.