Related Contents

ଓଡିଶାରୁ ମଦମୁକ୍ତ ଓ ନିଶାମୁକ୍ତ କରିବା ପାଇଁ ମା ଘର ପକ୍ଷରୁ ଜିଲ୍ଲାପାଳ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବି ପତ୍ର ପ୍ରଦାନ

ନବରଙ୍ଗପୁର ଜିଲ୍ଲା ପ୍ରତିନିଧି (ଏ.ସତୀଶ): ନବରଙ୍ଗପୁର ଠାରେ “ମା ଘର” ର ଅଧ୍ୟକ୍ଷା ଶ୍ରୀମତୀ କାଦମ୍ବିନୀ ତ୍ରିପାଠୀ ନେତୃତ୍ୱରେ ଏକ ସଚେତନତା ଶୋଭାଯାତ୍ରା ସ୍ଥାନୀୟ ଶାସ୍ତ୍ରୀ ଭବନ ଠାରୁ ବାହାରି ନବରଙ୍ଗପୁର ଜିଲ୍ଲାପାଳ କାର୍ଯ୍ୟାଳୟ ପହଂଚି ଜିଲ୍ଲାପାଳ ଶ୍ରୀ ଅଜିତ କୁମାର ମିଶ୍ର ସାକ୍ଷାତ କରି ଏକ ଦାବି ପତ୍ର ପ୍ରଦାନ କରିଛନ୍ତି ।

ଓଡ଼ିଶାରେ ନିଶା ପାଇଁ ହିଂସା ଦିନକୁ ଦିନ ବଢିଚାଲିଛି।ଏହା ଦ୍ୱାରା ମହିଳା ଓ ଶିଶୁ ମାନେ ଶିକାର ହେଉଛନ୍ତି ।ତେଣୁ ରାଜ୍ୟରୁ ମଦ ମୁକ୍ତ ଓ ନିଶା ମୁକ୍ତ କରିବା ପାଇଁ ଏହି ଶୋଭାଯାତ୍ରାରେ ସାମିଲ ହେବା ପାଇଁ ରାଜ୍ୟ ମା ଘର ଅଧକ୍ଷ। ଋତୁପୂର୍ଣା ମହାନ୍ତିଙ୍କ ନେତୃତ୍ୱରେ ଏକ ସଚେତନତା ପଦଯାତ୍ରା ଆସନ୍ତା ସେପେମ୍ବେର ୨୬ ତାରିଖରୁ ବାଲେଶ୍ୱରରୁ ବାହାରି ଅକ୍ଟୋବର ୨ ତାରିଖ ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ଦିନ ଭୁବେନେଶ୍ୱର ପହଁଚି ରାଜ୍ୟ ସରକାର ଓ ରାଜ୍ୟପାଳଙ୍କୁ ଏକ ଦାବି ପତ୍ର ପ୍ରଦାନ କରାଯିବାର କାର୍ଯ୍ୟକ୍ରମ ରହିଛି।ନବରଙ୍ଗପୁର ଏହି ଶୋଭାଯାତ୍ରାରେ ସ୍ଵାଧୀନତା ସଂଗ୍ରାମୀ ଶ୍ରୀ ମହମ୍ମଦ ବାଜି ,ସାମାଜିକ ସେବୀ ଶ୍ରୀମତୀ ଜେମାମଣୀ ବିଶୋଇ ,ଅବସରପ୍ରାପ୍ତ ଶିକ୍ଷକ ପୂର୍ଣ୍ଣ ଚନ୍ଦ୍ର ମହାଙ୍କଡ଼ ,ପୂର୍ବତନ ବିଧାୟକ ସଦନ ନାୟକ ,ବରିଷ୍ଠ ଲେଖକ ଶ୍ରୀ ନାରାୟଣ ପଣ୍ଡା , ମା ଘର ଅଧିବକ୍ତା ହରିନାରାୟଣ ବେହେରା , ବରିଷ୍ଠ କୋମୁନିଷ୍ଟ ନେତ୍ରୀ ଶ୍ରୀମତୀ ହରାବତୀ ଗଣ୍ଡ ,ମା ଘର ସଦସ୍ୟା ମନୋରମା ନାୟକ ,କାଳିଚରଣ ପାତ୍ର ,ଅବଦୁଲ ଫିରୋଜ଼ ,ବୁଲୁ ମହାପାତ୍ର ,ନିନି ବାବୁ ତ୍ରିପାଠୀ ,ସିରାଜ ଉଦିନ ଅହମ୍ମଦ ସହ ୧୦ଟି ବ୍ଲକର ବହୁ ସଂଖ୍ୟକ ବରିଷ୍ଠ ବ୍ୟକ୍ତି ଗଣ ଯୋଗ ଦେଇଥିଲେ।

Comments are closed.