ପାଣି ଘେରରେ ଉବୁଟୁବୁ ରାଇଘର ବ୍ଲକ କାର୍ଯ୍ୟାଳୟ

ରାଇଘର (ଜ୍ୟୋତି ସାହୁ): ନବରଙ୍ଗପୁର ରାଇଘର ବ୍ଲକ କାର୍ଯ୍ୟାଳୟ ପରିସର ମଧ୍ୟରେ ମାତ୍ର ୩୦ମିନିଟ ବର୍ଷରେ ପୋଖରୀ ସଦୃଶ ପାଣି ଜମା ହୋଇଥିଲା | ଜଳ ନିଷ୍କାସନର କୌଣସି ସୁବିଧା ନ ଥିବା ବେଳେ ପୂର୍ବରୁ ବହୁବାର ଏପରି ଦୃଶ୍ୟ ରାଇଘର ବାସି ଦେଖିଛନ୍ତି ଏବଂ ସମାଲୋଚନାର ବିଷୟ ମଧ୍ୟ ପାଲଟିଛି |

ବ୍ଲକ ପ୍ରଶାସନ ଯଦି ନିଜର ଦୈନନ୍ଦିନ କାର୍ଯ୍ୟାଳୟକୁ ଦେଖାରେଖା କରିପାରୁନାହିଁ କି ଜଳ ନିଷ୍କାସନର ସୁବିଧା କରିପାରୁନାହିଁ ସେମାନେ ପୁଣି ସାଧାରଣ ଜନତାଙ୍କ ବିଭିନ୍ନ ଅସୁବିଧା କେମିତି ଦୂର କରିପାରିବେ ବୋଲି ପ୍ରଶ୍ନ ଉଠୁଛି | ଯେଉଁ ବ୍ଲକ କାର୍ଯ୍ୟାଳୟରେ ଜେଇ ମାନେ ବ୍ଲକରେ ଥିବା ୨୩ଟି ପଂଚାୟତର ଉନ୍ନୟନ କାମର ଏସ୍ଟିମେଟ କରିଥାନ୍ତି ସେମାନେ ନିଜ ଅଫିସ ପରିସରକୁ ଅଣଦେଖା ଯୋଗୁଁ ଆଜି ଏପରି ଦୃଶ୍ୟ ଦେଖିବାକୁ ପଡିଥିଲା | ଅଧ୍ୟକ୍ଷଙ୍କ କକ୍ଷ, କୃଷି ବିଭାଗ କାର୍ଯ୍ୟାଳୟ ମଧ୍ୟରେ ଦେଖିବାକୁ ମିଳିଥିଲା ଆଣ୍ଠୁଏ ପାଣି ପରେ ବ୍ଲକ ପାଚେରୀକୁ ଲାଗିରହିଥିବା ଡ୍ରେନ ସହ ଏକ ନାଳ କରି ଜଳ ନିଷ୍କାସନ କରାଯାଇଥିଲା | ବ୍ଲକ ଅଧ୍ୟକ୍ଷ ଟେବୁଲ, ଚେୟାର ସହ କୃଷି ବିଭାଗ ସମସ୍ତ ଆସବାବ ପତ୍ର ମଧ୍ୟ ଜଳଘେରରେ ଥିବା ଦେଖିବାକୁ ମିଳିଥିଲା |

Comments are closed.